XX. mendeko Euskararen Corpus estatistikoa
Testuingurua
Ezetz esaten diozu, pena izanen litzatekeela batere gabe gelditzea...
Barre egiten dizute biek berriz.
-Zenbat karaktere ditu txinerak?
-Hirurogei mila.
-Arraioa!
-Baina bost bat mila dira erabilienak.
Zer edo zer esan behar eta, galde iezaiezu kantonera eta pekinera oso desberdinak diren.
Harrituko dituzu berriz, italiar hau oso jantzia zegok.
-Dena da hizkuntza bera, berdin idazten da.
-Baina desberdin ahoskatzen omen dira.
-Kantonera, entzun:
-Pekinera entzun:
-Pekinera askoz ere leunagoa da!
Eta berriz ere irri batean, dragoi lasaitu bat bezala zuzendariak:
-Kantondarrak mailuka mintzo dira,
Egizu irri lasai, zuk ere mesprezatzen dituzu Kurosawa-ren pertsonaia ahots-zakarrak.
Baina badaezpada:
-Zuek pekindarrak zarete noski?
Eta biek batera, irria galtzeke:
-Ez jauna, gu kantondarrak gaituzu!
Karaktere batzuk oparitu nahi dizkizute, eta zeure herriaren izena galdetzen dizute ostera.
Ez dakizu zer erantzun, izenik ozenena eman nahi diezu, eta laburra, sakelak karakterez bete ez diezazkizuten.
-Kuba.